وآآآآآآآه ياخوفي .....

كان يامكان في سالف العصر و الأوان .. قالوا في التاريخ ..إن جه يوم علي المصريين أكلوا فيه لحم الحمير ..بس دا أيامها كان فيه مجاعة .. وما كانش الواحد بيصدق إن ممكن التاريخ يعيد نفسه ..و المصريين ياكلوا لحم الحمير و مش بس الحمير ده القطط والكلاب كمان .. وبالصوت و الصورة .. نشوف الكلام ده في منطقة البساتين قرب المعادي ..أذاعت محطتين فضائيتين امس فيديو الحمير و هي بتتدبح و الكلاب وهي بتتشفي ... أن مش مصدقة .. طيب الكلاب .. وممكن كنوع من الغش .. وكان فيه واحد في اوائل السبعينات بجوار المستشفي اللي كنت باعمل فيها . كنا مسميينه ...... الكلابجي .. وقبض عليه مفتشين التموين لما حكايتة اتفضحت .. إنما حمير ...ليه.. أوعي حد يقول إننا عندنا مجاعة..لأ و ألف لأ .. مصر مش فقيرة ..مصر مليانه فلوس .. و الدليل علي كدة فضائح توظيف الأموال ..كل ما فضيحة تحصل نكتشف إن ناس عادية جدا موظفة مبالغ ألوف و قد تصل للملايين ...إيه اللي حصل لكم ياناس مصر..جري إيه في الدنيا .. وإمتي الدنيا ترجع بخير تاني ..