ياناس يافل ...الرغيف للكل

29/3/2008
أزف إلي الجميع خبر وصول رغيف العيش أبو شلن أمس ..مساءا ..إلي منزلنا بعد فترة إنقطاع دامت أربعة أشهر بالتمام و الكمال ..وكان قبلها رغيف مايتاكلش و دلوقت برضه رغيف مايتاكلش..إنما المهم إنه وصل و بعد كدة يفرجها ربنا .. أنا صورته بالموبيل ..لكن لظروف فنية خاصة ببرنامج البلوتوث ....فشلت في نقلة علي الرابط..علي اي حال شكله معروف ..بس أنا حبيت أوثق الواقعة بالصورة لكن طبعا انتم مصدقيني...و اللي نسي شكل الرغيف و عايز يشوفة يدخل علي جوجول- صورة حيلاقي اشكال رغيف كثيرة أو يرجع تدوينتين تلاتة عندي لورا ....حيشوفه ...و ماتشوفوش وحش ....
أرجع و أقول كله مننا في بعضنا .. ياريت نحب بعض و يكون قلبنا علي بعض...أمل هل ممكن يتحقق؟؟؟؟